Беларусам прапануюць пакаштаваць нацыянальныя кактэйлі-Цмокі

Аўтарамі рэцэптаў эксперыментальных нацыянальных кактэйляў сталі Міхаіл Канаваленка, бар «Maraschino», Васіль Сапункоў, Smoke & Mirrors, і Яўген Рогаў, ID бар. Усе яны заснавальнікі і выкладчыкі школы бартэндэраў Splash & Dash.

Натхніўшыся вобразамі цмокаў, Міхал Канаваленка стварыў кактэйлі «Скарбны Цмок», «Калючы Цмок», «Туманны Цмок», Яўген Рогаў — «Змрочны Цмок», «Паветраны Цмок», «Чатырохгаловы Цмок», а Васіль Сапункоў — «Дрыгвяны Цмок», «Снежны Цмок» і «Цмок Шыпахвост».

У выніку дэгустацыі, у якой прынялі ўдзел каля 30 прадстаўникоў журы, — рэстаратары, кулінарныя эксперты, журналісты — былі абраны кактэйлі-пераможцы. Імі сталі «Паветраны», «Шыпахвост», «Скарбны». Ужо гэтай вясной кактейлі-Цмокі можна будзе пакаштаваць у некаторых барах Мінска.

У іх рэцэптуры ў якасці асновы былі выкарыстаны горкія настойкі на мёдзе з перцам, на ліпавых кветках з мёдам, бярозавых пупышках, журавінах і зубровай траве. Суправаджальнымі інгрэдыентамі сталі самыя розныя складнікі, здольныя адлюстраваць характар Цмока. Гэта, напрыклад, табаска, агурок, яечны бялок («Шыпахвост»), абрыкосавы джэм і маркоўны сок («Скарбны»), мята і бярозавы сок ( «Паветраны цмок»).

На думку вядучай кулінарнага шоу на Беларусь-1 Марыны Кандрацьевай, прадстаўніка журы, бармэны прапанавалі аўтэнтычны падыход да інгрэдыентаў: яны выкарыстоўвалі мясцовыя прадукты, дзякуючы чаму кактэйлі сапраўды могуць называцца нацыянальнымі. Замест віскі або рому — традыцыйная настойка, замест колы шэйкеры змешвалі квас, замест лайма дадаецца слайд агурка, замест ананасавага — маркоўны сок, замест содавай — газаваны бярозавы сок, замест какосавага сіропу — вішнёвае варэнне.

Падчас прэзентацыі напояў віцебскі гісторык, Мікалай Півавар, вядомы вывучэннем містычных персанажаў беларускага фальклору, растлумачыў, чаму менавіта Цмокі былі абраныя вобразамі для натхнення бармэнаў. Гэта адзін з самых моцных і знакавых вобразаў у нашай народнай культуры. Супярэчлівы і разнастайна інтэрпрэтаваны, ён здольны падштурхнуць да самых адважных імправізацый. Гэты вобраз, па меркаванню гісторыка, можа спрыяць праяўленню такіх рыс характару беларусаў, як сіла і адвага, якія часта саступаюць месца больш звыклай для нас «памяркоўнасцi».

Мікалай Півавар назваў некалькі месцаў на Віцебшчыне, звязаных з паданнямі аб цмоках: гэтае возера Ліпкі, Віцебскі раён, гара Змяёўка каля вёскі Вымна, велізарны Змеяў камень каля вёскі Гогалеўка пад Чашнікамі і іншыя.

Настойка «Бульбашъ®. На бярозавых пупышках» — 50 мл

Мята — 7 лісцікаў

Сок лімона — 25 мл

Цукровы сіроп — 20 мл

Бярозавы сок — 120 мл

Сіроп «Кюрасао блю» — 5 мл

Мята i салодкая вата

1. У шэйкер кладзем мяту, наліваем настойку, лімонны сок і цукровы сіроп.

2. Узбіваем 10 секунд і працаджваем у астуджаны высокі келіх з лёдам.

3. Зверху дадаем бярозавы сок і сіроп «Кюрасао блю».

4. Упрыгожваем суквеццем мяты і цукровай ватай.

Настойка «Бульбашъ®. Мядовая з перцам» — 40 мл
Агурок — 3 кавалка 
Салера — ¼ сцябла
Табаска зялёны — 2 кроплі
Цукровы сіроп — 20 мл
Сок лімону — 25 мл
Яечны бялок — 1 шт.

Гарнір: 
Хвост салеры з гваздзікай

Рэцэптура: 
1. Размінаем у шэйкеры салеру і агурок.
2. Уліваем у шэйкер усе астатнія інгрэдыенты і дадаем лёд.
3. Узбіваем 10 секунд і працаджваем у астуджаны высокі келіх з лёдам.
4. Упрыгожваем і падаем!